最近學人玩vintage Rolex，真係好正，新裝完全俾唔到嗰種歲月嘅味道，隻隻都好似獨一無二咁。 聽完Terry sir 講最重要上到行，隻隻買之前都要同賣家/店舖傾定，上到行包原裝先敢買，有幾次俾Terry sir 講中，總統帶有兩格係土帶，當堂嚇一跳，又試過唔換dial唔肯做Service，咁點算好？初頭真係好介意有冇張NFC卡，又試過建議我換過金殼八萬幾！….初頭聽佢哋啲電話心情會大上大落，等電話又真係好似等生仔咁期待，不過之後慢慢會習慣😂 不過我除咗第一次聽service centre 講更換dial，之後全部我都唔會換面，有問題都搵出面搞，最緊要全原裝。另外次次買完都覺得依隻最鍾意，其實最鍾意嗰隻係‘下一隻’ 唔知其他師兄有冇玩舊勞心得分享，另外借機會再次多謝Terry sir，每次買錶之前都係咁loop你啲片!